Այս վեբ ձևը նախատեսված է մրցույթին մասնակցել ցանկացող միջին և ավագ դպրոցներում սովորող 13-ից 18 տարեկան աշակերտների համար։
Պայմաններ
1. «ՍՏԵՄ Արմենիա | Մայիս 2025» մրցույթի առաջին փուլը տեղի կունենա կիրակի՝ մայիսի 11-ին: Վեց քննադատական մտածողության առաջադրանքներ պետք է լուծվեն վեց ժամվա ընթացքում:
2. Մրցույթին կարող են մասնակցել Հայաստանի միջին և ավագ դպրոցներում սովորող 13-ից 18 տարեկան աշակերտները։ Մասնակցությունն անվճար է, նախնական գրանցումը պարտադիր չէ, բայց ցանկալի է։
3. Առաջադրանքները կհրապարակվեն առցանց STEMArmenia.org կայքում մայիսի 11-ին ժամը 09:00-ին: Լուծումները պետք է ներկայացնել նույն օրը մինչև ժամը 15:00-ն STEMArmenia.org կայքի վեբ ձևի միջոցով:
4. Մրցույթը կգնահատի հանձնաժողովը՝ բաղկացած «ՍԹԵՄ Արմենիա» ՀԿ-ի երեք անդամներից և հովանավոր կազմակերպության մեկ անդամից:
5. Մրցույթը համարվում է անվավեր, եթե ներկայացված է տասից պակաս հայտ:
6. Այն դեպքում, երբ նույն ընտանիքի անդամներից մի քանի հայտ է ստացվել, կդիտարկվի միայն առաջին հայտը:
7. Մրցույթի հանձնաժողովն իրեն իրավունք է վերապահում որակազրկել ցանկացած հայտ, եթե առկա են անազնիվ մրցակցության ակնհայտ նշաններ:
8. Առաջին փուլում մրցութային հանձնաժողովը կընտրի մինչև տասը հաղթող՝ միավորների ընդհանուր քանակի հիման վրա, իսկ հավասար միավորների դեպքում՝ ով ներկայացրել է ավելի վաղ:
9. Երևանից և մարզերից ներկայացված աշխատանքները կգնահատվեն առանձին՝ յուրաքանչյուրից մինչև հինգ հաղթող: Այնուամենայնիվ, հատուկ դեպքերում բացառություններ հնարավոր են:
10. Առաջին փուլի հաղթողների անունները կհրապարակվեն STEMArmenia.org կայքում մայիսի 14-ին։
11. Առաջին փուլի հաղթողները կանցնեն երկրորդ, եզրափակիչ փուլ, որտեղ որոշակի թեմայով պետք է պատրաստեն համակարգչային ներկայացում: Ներկայացման թեման կհայտարարվի առաջին փուլից հետո։
12. Ներկայացումները կհրապարակվեն STEMArmenia.org կայքում, որոնցից երեք լավագույները մրցութային հանձնաժողովի կողմից կընտրվեն որպես մրցույթի հաղթողներ:
13. Մրցութային հանձնաժողովի որոշումները վերջնական են և բողոքարկման ենթակա չեն։
14. Մրցույթի երեք հաղթողները կպարգևատրվեն «Զանգակ» գրախանութի 50 հազար դրամ արժողությամբ նվեր-քարտերով։
Հարցերի դեպքում կարող եք կապվել մրցույթի հանձնաժողովի հետ՝ contact@stemarmenia.org էլ. հասցեով:
Առաջին Փուլի Ներկայացված Հայտերը (ընդհամենը 87)
Արխիվացված է։
1-Ին Փուլի Պատասխաններ
ԱՌԱՋԱԴՐԱՆՔ #1 | ՔՈՂԱՐԿՎԱԾ ԵՌԱՆԿՅՈՒՆՆԵՐ (1 ՄԻԱՎՈՐ)
24 եռանկյունի:
Այս հարցին ճիշտ պատասխանել են 32 մասնակիցներ։
ԱՌԱՋԱԴՐԱՆՔ #2 | ՊԱՏՄՈՒԹՅԱՆ ԴԱՍ (2 ՄԻԱՎՈՐ)
Նիկիտա Խրուշչով, 1960թ, Նյու Յորք, ՄԱԿ-ի Գլխավոր Ասամբլեա
1960 թվականի հոկտեմբերի 12-ին Խորհրդային Միության կոմունիստական կուսակցության առաջին քարտուղար Նիկիտա Խրուշչովը ելույթ (հղում) ունեցավ Միավորված Ազգերի Կազմակերպության Գլխավոր ասամբլեայի 15-րդ նստաշրջանում, որտեղ ներկայացրեց գաղութային երկրներին և ժողովուրդներին անկախություն շնորհելու մասին հռչակագիրը՝ կոչ անելով վերջ դնել գաղութային ճնշումներին։
Այս հարցին ճիշտ պատասխանել են 34 մասնակիցներ։
ԱՌԱՋԱԴՐԱՆՔ #3 | ԴԺՎԱՐ ԹԻՎ (3 ՄԻԱՎՈՐ)
41
1988 թվականի դեկտեմբերի 7-ին տեղական ժամանակ առավոտյան ժամը 11 անց 41 րոպեին Հայաստանի հյուսիսարևմտյան մասում տեղի ունեցավ ավերիչ Սպիտակի երկրաշարժը:
Թվերը ցույց են տալիս ցնցման սկզբի տարին (88), ամիսը (12), օրը (7), ժամը (11) և րոպեն (41):
Այս հարցին ճիշտ պատասխանել են 26 մասնակիցներ։
ԱՌԱՋԱԴՐԱՆՔ #4 | ԿԱՅԾԱԿ և ՈՐՈՏ (5 ՄԻԱՎՈՐ)
Դվին արգելանոց-թանգարանի տարածք
Ձայնագրությունից եզրակացնում ենք, որ ձայնային ալիքները Բերդիկ են հասել 4 վայրկյանից, Կանաչուտ՝ 8.7 վայրկյանից և Գետազատ՝ 11.3 վայրկյանից հետո։ Քանի որ ձայնի արագությունը օդում 343 մ/վրկ է, գյուղերից համապատասխան հեռավորությունները կազմում են մոտավորապես 1,4 կմ, 3,0 կմ և 3,9 կմ։ Եթե գյուղերից որպես կենտրոն գծենք համապատասխան շառավղով շրջանագծեր, ապա դրանք կհատվեն Դվին արգելանոց-թանգարանի տարածքում։
Այս հարցին ճիշտ պատասխանել են 8 մասնակիցներ։
ԱՌԱՋԱԴՐԱՆՔ #5 | ՉԲԱՑԱՀԱՅՏՎԱԾ ԿՈՂՈՊՈՒՏՆԵՐ (4 ՄԻԱՎՈՐ)
Անուշը պարզեց որ հաջորդ կողոպուտը նախատեսվում է նոյեմբերի հինգին։
Եթե ուշադիր նայեք, բոլոր տառային հաջորդականությունները վերջանում են “ՄՈԴ”-ով, որին հետևում է թիվ։ Մոդ-ը (mod) մաթեմատիկական գործողություն է, որը հաշվարկում է բաժանման մնացորդը, օրինակ 21 mod 6 = 3։
Վերցնենք հոկտեմբերի գրառումը (ԱԲԷԶՄՈԴ41): Փոխեք առաջին չորս տառերը քառանիշ թվով ըստ այբբենական հաջորդականության (ԱԲԷԶ կդառնա 1276), հետո բաժանեք թվի վրա (1276 մոդ 41 = 5), կստանանք 5:
Այս հարցին ճիշտ պատասխանել են 10 մասնակիցներ։
ԱՌԱՋԱԴՐԱՆՔ #6 | ԿՈՏՐՎԱԾ ԿՇԵՌՔ (5 ՄԻԱՎՈՐ)
Այո, երկու կշռմամբ հնարավոր է որոշել, թե արդյոք պիտակները ճիշտ են տեղադրված, թե ոչ։
Հնարավոր լուծում | Առաջին կշռում. 47, 48 և 49 գրամանոց գնդիկները դրեք մեկ նժարի վրա, իսկ 71 և 73 գրամանոցները՝ մյուսի վրա
(նկատեք որ 47+48+49=71+73)։ Եթե կշեռքը հավասարակշռված չէ, ապա պիտակավորման մեջ սխալ կա։ Իսկ եթե հավասարակշռված է, ապա եզրակացնում ենք, որ 69 գրամանոց գնդիկը ճիշտ է պիտակավորված։
Երկրորդ կշռում. 49 և 69 գրամանոց գնդիկները դրեք մեկ նժարի վրա, իսկ 47 և 71 գրամանոցները՝ մյուսի վրա
(49+69=47+71)։ Եթե կշեռքը հավասարակշռված է, ապա պիտակավորումը ճիշտ է (քանի որ հավասար լինելու այլ տարբերակ չկա), հակառակ դեպքում սխալ կա։
Այս հարցին ճիշտ պատասխանել են 6 մասնակիցներ։
«ՍՏԵՄ ԱՐՄԵՆԻԱ | Մայիս 2025» Մրցույթ | 1-ին Փուլի Հաղթողները
Մրցութային հանձնաժողովը քննարկել է բոլոր հայտերը և յուրաքանչյուր պատասխանին շնորհել միավորներ: Առավելագույն միավորներ հավաքած տասը հաղթողների ցանկը ներկայացված է ստորև, ովքեր անցնում են երկրորդ փուլ։ Երկրորդ՝ եզրափակիչ փուլի առաջադրանքները կհրապարակվեն մայիսի 15-ին։ Շնորհավորում ենք առաջին փուլի հաղթողներին և բոլոր մասնակիցներին!
| Անուն | Միավոր | Մարզ | Քաղաք/Գյուղ | Տարիք | Դպրոց |
|---|---|---|---|---|---|
| Ատոմ Պետրոսյան | 19 | Գեղարքունիք | Վարդաձոր | 17 | Վարդաձորի միջնակարգ դպրոց |
| Ալբերտ Խառատյան | 16 | Երևան | Երևան | 16 | Յակոբ և Լուտովիկա Այնթապլեանների անվան համար 87 միջնակարգ դպրոց |
| Արփինե Մխիթարյան | 16 | Կոտայք | Պռոշյան | 17 | ՀԱՊՀ ավագ դպրոց |
| Կամո Երգենյան | 14 | Երևան | Երևան | 15 | «Ուսմունք» ավագ դպրոց |
| Արգիշտի Գրիգորյան | 13 | Երևան | Երևան | 15 | «Ուսում» դպրոց |
| Նարե Տիտանյան | 13 | Երևան | Երևան | 13 | Մ.Մելքոնյանի անվան հ.11 հիմնական դպրոց |
| Վլադիկ Աբրահամյան | 12 | Երևան | Երևան | 18 | ՀԱՊՀ քոլեջ |
| Լաուրա Դանիելյան | 12 | Կոտայք | Չարենցավան | 17 | Չարենցավանի Մ.Մաշտոցի անվան ավագ դպրոց |
| Լյուսի Գրիգորյան | 12 | Գեղարքունիք | Ձորագյուղ | 13 | Ձորագյուղի հիմնական դպրոց |
| Տիգրան Մկրտչյան | 12 | Երևան | Երևան | 16 | «Ուսմունք» ավագ դպրոց |
ՈՒՇԱԴՐՈՒԹՅՈՒՆ. Ակադեմիական Ազնվության Խախտման Դեպքեր
Մրցութային հանձնաժողովը նկատում է դեպքեր, երբ ճիշտ և նույնիսկ սխալ պատասխաններն ու բացատրությունները տարբեր հայտերում այնքան նման են, որ թույլ են տալիս բարձր վստահությամբ եզրակացնել, որ պատասխանները կիսվել են մրցույթի մասնակիցների միջև։ Սա հաստատվում է նաև արհեստական բանականության տեքստի վերլուծության գործիքներով։ Հանձնաժողովը միաձայն որոշել է նման հայտերը համարել անվավեր, իսկ կրկնվելու դեպքում այդ մասնակիցները ապագայում մրցույթներին մասնակցելու իրավունքից կզրկվեն։ Մրցութային հանձնաժողովի որոշումները վերջնական են և բողոքարկման ենթակա չեն։
«ՍՏԵՄ ԱՐՄԵՆԻԱ | Մայիս 2025» 2-րդ Փուլի Առաջադրանք
Այս հայտարարությունը վերաբերում է միայն «ՍՏԵՄ ԱՐՄԵՆԻԱ | Մայիս 2025» մրցույթի առաջին փուլի հաղթողներին: Ցուցադրումները պետք է ներկայացնել մինչև կիրակի, մայիս 18-ի ժամը 21:00-ն:
ՊԱՐՏԱԴԻՐ Է. Խնդրում ենք անմիջապես էլ. նամակ ուղարկել contact@stemarmenia.org հասցեին՝ հաստատելով որ դուք մասնակցում եք մրցույթի երկրորդ փուլին:
ԱՌԱՋԱԴՐԱՆՔ. Ստեղծել համակարգչային ցուցադրում՝ ընտրելով ստորև ներկայացված թեմաներից մեկը:
1) Պատկերացրեք, որ մասնակցում եք ենթադրական մրցույթի, որ հայտարարել է ՀՀ էկոնոմիկայի նախարարությունը ՝ բիզնես նախաձեռնությունների համար, որոնք պետք է համապատասխանեն ՀՀ տնտեսական զարգացման տեսլականին։ Սկզբնական կապիտալը կարող է կազմել մինչև մեկ միլիարդ դրամ։ Մրցույթին մասնակցելու համար դուք պետք է մշակեք բիզնես պլան։
2) Գլոբալ կլիմայի փոփոխության ազդեցությունը Հայաստանի վրա:
3) Հայաստանի բնական պաշարները։
ՆՇՈՒՄՆԵՐ. Դուք կարող եք օգտագործել ցանկացած հանրային ռեսուրս ձեր ներկայացումը պատրաստելու համար։ Թեմաները բարդ են և ոչ ոք չի ակնկալում, որ դպրոցական գիտելիքներով դուք մի քանի օրում կարող եք խորությամբ ուսումնասիրել և համապարփակ ձևով ներկայացնել մի կարճ ցուցադրման մեջ: Խուսափեք ներառել բարդ բացատրություններ կամ դիագրամներ, փորձեք գտնել հետաքրքիր փաստեր, դարձրեք ձեր ցուցադրումը ինֆորմատիվ և գրավիչ: Կգնահատվի, եթե դուք ինքներդ ներկայացնեք ինչ-որ հատված տեսանյութով կամ աուդիոով:
Այս առաջադրանքը պահանջում է որոշակի մակարդակի տեխնիկական հմտություն, ծանոթություն համակարգիչներին և ընդհանրապես տեխնոլոգիային, բայց դա ձեր առջև ծառացած մարտահրավերի մի մասն է: Դուք կարող եք տեխնիկական օգնություն ստանալ ծնողից, ուսուցչից կամ ընկերոջից, սակայն ցուցադրման բովանդակությունը պետք է ստեղծվի ձեր կողմից: Օրինակների համար դիտեք նախորդ մրցույթների ցուցադրումները:
ՊԱՀԱՆՋՆԵՐ. Ցուցադրումը պետք է լինի հայերեն և կարող է ունենալ մինչև 13 սլայդ: Դուք կարող եք ներառել տեքստ, աուդիո, երաժշտություն, տեսանյութ, անիմացիա և այլ էֆեկտներ: Պատկերների, տեսանյութերի և հեղինակային իրավունքով պաշտպանված այլ նյութերի աղբյուրները պետք է նշվեն: Առաջին սլայդը պետք է ցույց տա ներկայացման թեման, որ այն ստեղծվել է «ՍՏԵՄ ԱՐՄԵՆԻԱ | Մայիս 2025» մրցույթի համար, ձեր անունը, դպրոցը, տարիքը և դասարանը:
ՏԵԽՆՈԼՈԳԻԱ. Ձեզ անհրաժեշտ կլինի ինտերնետ հասանելիություն համակարգչի միջոցով: Ներկայացումը պետք է ստեղծվի անվճար առցանց ներկայացման գործիքի միջոցով, որը կոչվում է Canva:
ՔԱՅԼԵՐ. Ներկայացումը ստեղծելիս հետևեք հետևյալ քայլերին:
1. Գրանցեք անվճար Canva հաշիվ՝ օգտագործելով ցանկացած վեբ բրաուզեր: Հատկապես խորհուրդ է տրվում Google Chrome-ը: Գրանցվելու համար կարող եք օգտագործել ձեր Google հաշիվը, Facebook հաշիվը կամ անձնական էլ. փոստի հասցեն: Եթե դուք չունեք դրանցից ոչ մեկը, խնդրեք ձեր ծնողին կամ ուսուցչին օգնության համար:
2. Canva-ի ինտերֆեյսը անգլերեն է, բայց պարզ է և ինտուիտիվ: Եթե դուք օգտագործում եք Chrome բրաուզեր, կարող եք ցանկացած վեբ էջ թարգմանել հայերեն՝ օգտագործելով մենյուի «Թարգմանել» ընտրանքը: Կամ կարող եք պատճենել և տեղադրել անգլերեն տեքստը ցանկացած այլ թարգմանչի մեջ՝ հայերեն թարգմանելու համար:
3. Սկսեք ստեղծել ցուցադրում՝ սեղմելով «Presentation (16:9)» պատկերակը: Canva-ն ունի բազմաթիվ ձևանմուշներ և բաղադրիչներ, որոնք կարելի է օգտագործել ցուցադրման մեջ, ինչպես նաև մի քանի հայերեն տառատեսակներ։ Դուք կարող եք ցանկացած ժամանակ նվագարկել ցուցադրումը՝ օգտագործելով PRESENT պատկերակը:
4. ԿԱՐԵՎՈՐ Է. Երբ վերջնական ցուցադրումը պատրաստ է, սեղմեք SHARE պատկերակը, ընտրեք «Create Public View Link», պատճենեք հղումը և ուղարկեք այն contact@stemarmenia.org հասցեին: Հղումը պետք է ուղարկել մինչև կիրակի, մայիս 18-ի ժամը 21:00-ն: Ներկայացումը ուղարկելուց հետո չեք կարող այն փոխել, հակառակ դեպքում կհամարվի անվավեր:
ԾՆՈՂՆԵՐԻ ՀԱՄԱՁԱՅՆՈՒԹՅՈՒՆԸ. էլ նամակը պետք է պարունակի հետևյալ տեքստը ծնողի կամ խնամակալի կողմից
>>>>>
Ես, __(ծնողի անուն, ազգանուն)__, ծանոթ եմ վերոնշյալ համակարգչային ցուցադրման բովանդակությանը և համաձայն եմ որ __(անուն, ազգանուն)__ հեղինակած ցուցադրման հղումը հրապարակվի STEMArmenia.org կայքում նշելով իր անունը, տարիքը և դպրոցը:
>>>>>
ԳՆԱՀԱՏՈՒՄ. Աշխատանքները կգնահատվեն մրցութային հանձնաժողովի կողմից: Մրցույթի հաղթողների վերաբերյալ հանձնաժողովի որոշումը ՎԵՐՋՆԱԿԱՆ է և բողոքարկման ենթակա չէ։
«ՍՏԵՄ ԱՐՄԵՆԻԱ | Մայիս 2025» 2-րդ Փուլի Ցուցադրումներ
Գործարար Նախաձեռնություն «ԽԵԼԱՑԻ ԳՅՈՒՂ»
Ատոմ Պետրոսյան | Գեղարքունիք-Վարդաձոր | Վարդաձորի միջնակարգ դպրոց, 17տ
Գործարար Նախաձեռնություն «ԱգրոԻնթել»
Ալբերտ Խառատյան | Երևան | Յակոբ և Լուտովիկա Այնթապլեանների անվան համար 87 միջնակարգ դպրոց, 16տ
Գործարար Նախաձեռնություն «ԷԿՈ-ԲՈՏ»
Արփինե Մխիթարյան | Կոտայք-Պռոշյան | ՀԱՊՀ ավագ դպրոց, 17տ
Գործարար Նախաձեռնություն «ANAHIT.AI»
Կամո Երգենյան | Երևան | «Ուսմունք» ավագ դպրոց, 15տ
Գործարար Նախաձեռնություն «Գյուղատնտեսության Զարգացման Կենտրոն»
Նարե Տիտանյան | Երևան | Մ.Մելքոնյանի անվան հ.11 հիմնական դպրոց, 13տ
Գործարար Նախաձեռնություն «Գյուղատնտեսական Տեխնոլոգիաների Կենտրոն»
Վլադիկ Աբրահամյան | Երևան | ՀԱՊՀ քոլեջ, 18տ
Հայաստանի Բնական Պաշարները
Լաուրա Դանիելյան | Կոտայք-Չարենցավան | Չարենցավանի Մ.Մաշտոցի անվան ավագ դպրոց, 17տ
Հայաստանի Բնական Պաշարները
Լյուսի Գրիգորյան | Գեղարքունիք-Ձորագյուղ | Ձորագյուղի հիմնական դպրոց, 13տ
Հայաստանի Բնական Պաշարները
Տիգրան Մկրտչյան | Երևան | «Ուսմունք» ավագ դպրոց, 16տ
«ՍՏԵՄ ԱՐՄԵՆԻԱ | Մայիս 2025» Մրցույթի Արդյունքները
Եվ այսպես, ամփոփված են «ՍՏԵՄ ԱՐՄԵՆԻԱ | Մայիս 2025» մրցույթի արդյունքները: Յուրաքանչյուր մասնակից ստացել է ամփոփիչ միավոր՝ հիմնված առաջին փուլում ստացած միավորի (1/3 գործակցով) և մրցութային հանձնաժողովի երկրորդ փուլի գնահատականների վրա (2/3 գործակցով): Ստորև բերված աղյուսակում ներկայացված են մրցույթի վերջնական արդյունքները: Մրցույթի հաղթող են դառնում առավելագույն միավորներ հավաքած երեք մասնակիցները: Շնորհավորում ենք հաղթողներին և բոլոր մասնակիցներին!
